Монголбанк  2017 оны аравдугаар сарын 24-ний байдлаар 109 аж ахуйн нэгж, 192 иргэнээс 16.8 тонн алт худалдан авсан нь өмнөх оны мөн үеээс 1.2 тонноор илүү буюу 8 хувийн өсөлттэй байна. 2017 онд Монголбанк 20 тонн алт худалдан авах зорилт тавин ажиллаж байна. Тус зорилтынхоо хүрээнд Монголбанкнаас “Монгол алт” аяныг 2017 оны наймдугаар сарын 1-ний өдрөөс гурван сарын хугацаатай зарлан, алтны олборлолт, худалдан авалтыг нэмэгдүүлэх, алтыг хил гаалиар зөвшөөрөлгүй гаргах ажиллагааг бууруулах ажлын хүрээнд олон нийтэд алтны худалдан авалтын талаар мэдээлэл түгээж, төрийн байгууллагын уялдаа холбоог сайжруулах, орон нутагт алт худалдан авах, алт тушаагч нарт гэрчлэх бичиг олгох зэрэг ажлуудыг байгууллага, иргэдэд таниулах, санал солилцох, сургалт хэлэлцүүлэг зохион байгуулах зэрэг ажлуудыг санаачлан хийгээд байна.

Эх сурвалж: http://www.itoim.mn/index.php/site/news/11510